Утревечер со почеток во 22 часот, Владимир Четкар Секстет ќе одржи концерт на базенската тераса на Хотел Филип во Охрид.
Овој концерт ќе биде одлична прилика да се слушне секстетот на Владимир Четкар непосредно пред неговиот концерт на Нишвил Џез Фестивал, најголемиот интернационален џез фестивал во Југоисточна Европа.
-Во една уникатна атмосфера благодарение на убавините на древниот Охрид публиката ќе може на еден уникатен начин да ја доживее авторската музика на Четкар која овој пат ќе биде во едно ново руво и аранжман, велат организаторите.
Влезниците за концертот по цена од 150 денари може да се набават во Хотел Белведере, Ресторан Белведере – Биљанини, Ресторан Белведере (Кај Четкар) – Центар како и во Хотел Филип.
Повеќе инфо за настанот, продажбата на влезници и резервации во рубриката „Што, Кога Каде“.
OhridNews
