Консултанти од земјава и странство ќе и помагаат на Владата да ги продаде неколкуте загубари меѓу кои е охридски ЕМО. Според телевизијата Алфа таа задача и е доверемна на бугарската консултантска куќа Булброкерс консалтинг во партнерство со кумановската Стартер Банка.
Според договорот, во рок од три месеци консултантот ќе треба да изработи финансиска и економска анализа и соодветен модел за конечна приватизација на загубарите ЕМО, ОХИС, Еурокомпозит и Тутунски – Прилеп. Крајната обврска на консултантот ќе биде потрага по потенцијални инвеститори кои би се јавиле на тендерот, наместо тоа да го прави Владата како сопственик на компаниите. Целата постапка за продажба на четирите загубари треба да заврши во рок од 12 месеци. За услугата Булброкерс ќе добие од државната каса околу 400-тини илјади евра, пренесува Алфа.
Ohridnews
