” Конкурсот за избор на претседател на општинскиот комитет на ВМРО-ДПМНЕ што ќе трае до 10 септември е најдемократска процедура” изјави на прес-конференција, претседателот на комитетот и пратеник во Собранието, доктор Владо Стефаноски. Како што рече тој, на анонимниот конкурс може да се пријави секој граѓанин кој што е член на партијата во моментов. Според Стефаноски, функциите пратеник и претседател на општинска организација на партија не се спојуваат и од тие причини, тој нема да биде претседател на охридскиот комитет на ВМРО-ДПМНЕ додека е пратеник.Средбите со граѓаните, пратениците од ВМРО-ДПМНЕ од Охрид ги остваруваат во партиските простории, но најдоцна за две седмици, тие очекуваат да биде отворена пратеничката канцеларија. Како што беше соопштено на прес-конференцијата, Локалната самоуправа подготвува простор за оваа намена во зградата на “Охридски комуналец” кај пазарот, а Националниот демократски институт ќе обезбеди опрема и луѓе задолжени да ги примаат граѓаните.
А. Ристоска
