Во текот на наредните две недели ќе биде распишан конкурсот за доделување концесија за управување со рибниот фонд на Охридското Езеро. Ова денеска во Охрид го најави министерот за земјоделство шумарство и водостопанство, Ацо Спасеноски.
„Нацрт верзијата на риболовните основи е готова и е ставена на разгледување до релевантните институции, по што ќе следи јавна расправа. Паралелно со тоа во наредниве две недели ќе се објави и конкурсот за доделување концесии за езерата и акумулациите“, изјави министерот за земјоделство Спасеноски.
Охридското Езеро нема концесионер околу 4 години.
Г. Момироски
