Големите политички, културни и спортски збиднувања и разните конгреси и семинари надвор од главната туристичка сезона, на Охрид му носат и до десет милиони евра смета локалната власт.
Според градоначалникот Петрески, Охрид од организација на големи настани како НАТО форумот, самитот на претседатели, религиската конференција, европските и светски спортски натпреварувања има голема корист. Тоа според него ќе го покаже и претстојниот економски форум, на кој покрај претседателите во Охрид ќе допатуваат и околу 1000 членови на делегации и протокол. Сите тие ќе потрошат одредена сума пари во Охрид, вели Петрески.
Успешната организацијата на вака големи настани на Охрид ќе му овозможат и во иднина да биде домаќин на светски збиднувања од кои градот ќе има осетна финансиска корист.
Г.М.
