Комисијата за одбележување на празници и доделување награди и признанија и понатаму ќе функционира без претседател и со неа ќе раководи заменик- претседателот на комисијата, Љубен Буџакоски.
Одкако минатата година, Томислав Тунтев поднесе оставка од морални причини, ова место остана празно.
Советниците на вчерашната седница не го прифатија разрешувањето на Тунтев од местото претседател на комисијата и поради тоа, не беше именуван нов претседател на комисијата. За пополнување на ова место, како што OhridNews дознава, бил предложен актуелниот претседател на советот, Душко Јаковчески.
Тунтев и понатаму останува член на комисијата за доделување награди, а одлуката кому ќе му припадне наградата за животно дело и кој ќе ги добие повелбите, годинава комисијата ќе ја носи без претседател.
Крајниот рок да се произнесе комисијата околу наградите е 7- ми декември.
Т. К.
