Комерцијална банка АД Скопје ја доби првата награда за интегриран пристап кон општествената одговорност за големо претпријатие во 2009 година, во номинацијата која ја организираше Центарот за институционален развој ЦИРА.
Наградата за Лидер на општествена одговорност во категоријата севкупна посветеност ( интегриран пристап) кон општествена одговорност на Комерцијална банка е потврда за напорите што Банката ги вложува континуирано за подобрувањето на корпоративното управување, обука на вработените, развивање на чувството за солидарност и филантропијата во соработка со заедницата и социјално ранливите групи во општеството.
„Комерцијална банка оваа година прославува 65 години од своето постоење, и за сите овие години таа остана доследна на своите вредности традиција, доверба, ефикасност, транспарентност, иновативност, тимска работа, и со особена посветеност на општествената одговорност што ја отсликува нашата деловна култура и приоритетите утврдени со корпоративната мисија.
Како општествено одговорна компанија секогаш работиме и ќе работиме во насока на подобрување на квалитетот на животот во општеството за сите негови членови преку споделување на вредностите и верувањата со нашите клиенти, вработени, акционери и партнери“, стои во соопштението на Комерцијална банка.
извор: „Макфакс“
