Колку средства му се потребни на еден второлигаш да биде компметентен во својот  ранг на натпреварувањето. Котизација, плаќање на службени такси, обезбедување на финасии се дел од стапките, но колку  финасии  му се потребни на еден клуб за да ја “истурка“ втората лига.


Оваа година Охрид ќе има два второлигаши, во услови на општа криза во општеството, дали ќе успее градот да го поднесе товарот со двајца лигаши во овај ранг. Ohridnews имајќи ги во предвид актуелни случувања направи една калкулација колку еден клуб би го чинело натпреварувањето во втората лига

Финансиска конструкција на Фудбалски клуб во текот на една натпреварувачка сезона

Потребни финансии по ставки:

Првиот тим:

–    Плата на 5 играчи по 200 евра
–    Плата на 5 играчи по 150 евра
–    Плата на 5 играчи по 100 евра
–    Плата на 5 стипендисти по 100 евра
–    Плата на прв Тренер – 300 евра
–    Плата на прв помошник 150 евра
–    Плата на тренер на голмани 150 евра
–    Плата на секретар 150 евра
–    Плата на домакин 150 евра
–    Управниот одбор не би се финансирал затоа што нивната работа ќе биде хонорарна
–    Плата за лекар 150 евра

–    Вкупно = 4100 месечен раход х 12 месеци = 49 200 евра

Судиски трошкови:
 

Во натпреварувачката сезона има 15 натпревари кои се играат на домашен терен. Една судиска 4ка + делегати + контролор изнесува во просек по 36000 = 600 евра.

–    За младинската и кадетска категорија судиските трошкови изнсуваат 4000 ден за двата натпревари! Се одигруваат 12 натпревари како домаќин тоа би значело 48 000 ден = 780 евра
–    За пионерски категории овие трошкови не се наплаќаат!

Вкупно : 10 380 годишен расход

Младински категории
–    Тренери : 1 тренер за кадети 150 евра + 1 тренер за младинци 150 евра + еден тренер за пионери 150 евра = 450 евра
–    Вкупно 450 евра месечно х 12 месеци = 5400 евра годишно

Превоз :
–    За првиот тим 15 натпревари во просек х 150 евра автобус = 2400 евра
–    За младинци и кадети 12 натпревари х 150 евра = 1800 евра
–    За пионери  – 10 натпревари х 100 евра = 1000 евра
Вкупно : 5200 годишен расход

Спортска опрема
–    За првиот тим потребни се 4 комплети опрема за 21 играч. За еден играч изнесува 30 евра, што би значело 630 евра еден комплет, а за 4 комплети би изнесувало 2520 евра вкупно!
–    За првиот тим се потребни топки 42 во текот на годината по 20 евра = 840 евра.
–    Младински категории; Потребни се по 2 комплети за сите категории. Во сите категории да членуваат по 18 деца, тоа би било вкупно 54 деца џ 30 евра еден пар, би изнесувало 1620 евра!
–    Потребни се 54 топки х 20 евра = 1080 евра
Вкупно : 6060 годишен расход

Исхрана :
– За првиот тим доколку се дава ручек само во гости би изнесувало 16 х 100 евра = 1600 евра.
– За младинскиот погон 60 лица џ 1 евро = 60 евра по натпревар! Доколку се одигруваат 12 натпревари = 720 евра!
Вкупно : 2320 евра годишен расход

Служебни простории :
–    Струја – 12 месеци во просек по 100 евра = 1200 евра годишно
–    Вода – 12 месеци по 20 евра = 240 евра
–    Вкупно = 1440 евра

Кога ќе се соберат сите стапки за една Натпреварувачка сезона вкупно на еден второлигаш потребни му се околу 80 000 евра

Од изнесената финансиска конструкција може да се забележи дека ова се однесува на добро организиран клуб кој има амбиции за прва лига. Тука не се зема во предвид доведување на фудбалери вон градот Охрид, поради немање на соодветни информации околу сместување и исхрана за фудбалерите! Котизација која ја воведе ФФМ од околу 8000 евра на годишно ниво  би се совпаднала  со  исплата на судиските трошкови! Тука не се пресметани куп натпреварите, затоа што станува збор за неодреден број на натпревари!

М.Постоловски/Н.Јанкуловски