Изборот на најповолен понудувач на тендерот за реконструкција на куќата на Уранија, е оспорен од фирма учесник во тендерската постапка, поради што ќе биде пролонгиран почетокот на градежните работи, дознава, Ohridnews.
Реконструкцијата на музеј-куќата требаше да започне во октомври, но поради жалбата на тендерската процедура, таа ќе биде одложена. Тендерската комисија, како што дознаваме за најповолна ја избрала понудата на охридската фирма „Митан пром“, која очекува по завршување на жалбената постапка да отпочне со реконструкција на куќата на Уранија.
Проектот за факсимилна обнова на Уранија го реализира Заводот и Музеј Охрид. Со него се предвидува статичко зацврстување на куќата која е разградена до камените ѕидови од првиот кат, по што таа автентично ќе биде реконструирана. Обновата на куќата на Уранија, која со одлука на Владата и е отстапена на трајно користење на МАНУ, треба да заврши до наредното лето.
Г.М.
