Со свеченост што ќе се одржи денеска, во употреба ќе биде пуштен Колекторскиот систем во Пештани, кој го поврзува источното крајбрежие со примарниот систем за заштита на Охридското Езеро од отпадни води.
 
На оваа пригода, свечено ќе се одбележи и завршувањето на урбаното уредување на Пештани каде, покрај секундарната канализација што ја изгради Локалната самоуправа, е извршено и партерно уредување со бекатон плочки на центарот на населбата, околу црквата „Св.Врачи“ со четири околни краци, плоштадот, тротоарите, улични ивичњаци и осветлување  со големи и мали канделабри вдолж главната улица и улиците во населбата.

За реализација на овие активности во Пештани, Локалната самоуправа од буџетот има издвоено над 32 милиони денари. Пештани на изградбата на колекрот чекаше две децении.

OhridNews