Ракометниот клуб Вардар два пати во последниве три сезони се искачуваше на тронот од ракометна Европа, триумфирајќи во Лигата на Шампиони. Токму од тие две екипи доаѓаат ракометарите во дрим тимот на Вардар одбран од Данецот Расмус Бојсен кој работи во специјализираната страна „Хендбалтрансферс“.
На голот од дримот тимот се наоѓа Арпад Штербик. Голманот беше еден од најзаслужните за првата титула. Штербик беше прогласен играч на натпреварот во финалето. На левата крина позиција се наоѓа Тимур Дибиров, додека на спротивната страна е Даниел Шишкарев, кој доби предност во однос на Иван Чупиќ. Бековската тројка ја сочинуваат Игор Карачиќ, Лука Циндриќ и Даинис Кристопанс. Пивотменската позиција е резервирана за капитенот Столе Стоилов додека седми играч е Илија Абутовиќ. Тренер на екипата е Раул Гонзалес.
Дрим тимот на Вардар:
Голман: Арпад Штербик (2014-2018)
Лево крило: Тимур Дибиров (2013-)
Лев бек: Игор Карачиќ (2012-2019)
Среден бек: Лука Циндриќ (2015-2018)
Десен бек: Даинис Кристопанс (2017-2020)
Десно крило: Даниел Шишкарев (201-2020)
Пивот: Стојанче Стоилов (2011-)
Одбрана: Илија Абутовиќ (2011-2018)
Тренер: Раул Гонзалес (2014-2018)
