Коалицијата за Европа „Сонце“ денеска во Охрид ќе го одржи централнииот митинг во 5-та изборна единица.Митингот започнува во 20:30ч. на плоштадот Св. Климент Охридски.
Според најавите, пред охриѓани ќе се обратат лидерот на СДСМ, Радмила Шекеринска,Ѓорѓи Оровчанец-Нова Алтернатива, Јован Манасиевски-ЛДП, Стојан Андов-ЛП,како и носителот на кандидатската листа на коалицијата „Сонце“ во 5-та ИЕ, Јани Макрадули и кандидатот за пратеник од Охрид, Томе Чингоски.
Ги повикуваме, сите наши сограѓани, кои веруваат во просперитетот и подобрата иднина на нашата држава, да ни се придружат на митингот, за да ја почувствуваат позитивната енергија и креативната снага, која произлегува од единството, решеноста и одлучноста на нашата изборна коалиција. На нашите митинзи, ние не ги присилуваме со закани нашите граѓани да доаѓаат туку тие доаѓаат сами, затоа што знаат дека Коалицијата за Европа „Сонце“ е вистинскиот избор, изјави на прес конференција во очи централниот митинг во Охрид, претседателот на општинската организација на СДСМ -Охрид, Томе Чингоски.
ohridnews
