Градежната компанија „Адора инженеринг“ и фондацијата професор д-р Ванчо Чифлиганец, во чест на одбележувањето на денот на сесловенските просветители Светите Кирил и Методиј, во понеделник, 25 мај, во 11 часот ќе и подарат симболична донација на охридската библиотека „Григор Прличев“. Станува збор за книгата „Можеш и ти“, од авторот Венко Андоновски. Се работи за биографска книга за проф. д-р Ванчо Чифлиганец, познат стопанственик и успешен бизнисмен, своевиден прирачник за деловниот успех за сите оние кои се на почетокот на својот професионален пат.
Книгата ќе биде донирана и во Националната и Универзитетска библиотека „Св.Климент Охридски“ во Скопје, како и библиотеките во Радовиш, Штип и Пробиштип.
OhridNews
