Автомобил марка „Рено Клио“ со тетовски таблици, излетал од патот и се превртел, во сообраќајната незгода што се случила денеска околу 15 часот на магистралниот пат Охрид-Кичево после селото Климештани.
Како што информира портпаролот на СВР Охрид Стефан Димовски, во возилото имало две лица од Тетово на возраст од 21 година. Tие патувале од Охрид за Тетово. Кај Климештани возачот изгубил контрола над возилото кое излетало од патот. За среќа двете лица минале без повреди.
На местото на настанот извршен е увид без застој на сообраќајот.
OhridNews
