Советот на општина Охрид денеска треба да го верификува мандатот на Климе Тренески, кој ќе го заземе местото на координаторот на советничката група на СДСМ, Бранислав Трпчески, кој поради неспоивост на функциите се повлекува од градското Собрание.
Имено неодамна градоначалниците на Охрид и Струга, Александар Петрески и Рамиз Мерко, ја потпишаа одлуката за именување на Трпчески за генерален директор на меѓуопштинското јавно претпријатие. По сила на закон Трпчески кој до сега беше вршител на должност, не ќе може да ја обавува и советничката функција.
Местото на Трпчески во Советот ќе го заземе следниот на советничката листа. СДСМ на локалните избори освои 7 советнички мандати, а осми на листата за членови на Советот е Климе Тренески (1961) – квалификуван автомеханичар и приватен стопанственик.
Ohridnews
