Делегација од кинескиот град Далиан денеска ќе допатува во официјална посета на Охрид. Посетата е во функција на продлабочување на соработката помеѓу двата збратимени градови во областа на стопанството, туризмот и културата, информираат од локалната самоуправа.
Кинеската делегација ја предводат претседателот на конгресот и Заменик генералниот секретар на конгресот на Далиан, а во Охрид ќе допатуваат уште и заменик генералниот директор на областа, заменик генералниот директор на канцеларијата за надворешни работи на Далиан, директорот на Здружението на кинескиот народ за пријателство и претседателот на Франхуа групацијата.
Претходно на покана на локалните власти на кинескиот град Далиан, делегација на општина Охрид предводена од градоначалникот Александар Петрески присуствуваше на Конференцијата на градовите збратимени со Далиан.
OhridNews
