Кинеската редиодифузна агенција им забранила на телевизиските станици да пуштаат реклами за време на емитирањето телевизиски серии. Во забраната, која на сила ќе стапи на 1 јануари, било наведено дека ниту една реклама не може да биде емитувана за време на серијата, чија епизода трае до 45 минути.
Аналитичарите на кинеските медиуми навеле дека оваа забрана најверојатно ќе ги намали паричните приходи кои се добиваат од рекламите, но и дека ќе ги примора телевизиските станици да емитираат што подобра сериска програма како би ги задржале гледачите. Се проценува дека досега со рекламите се остварувал профит во висина од 78,4 милијарди долари. Минатиот месец на телевизиите и радијата биле забранети сите огласи со сексуална конотација.
