Италијанската полиција ослободила еден бизнисмен кој бил киднапиран пред две седмици, благодарение на тоа што неговите чувари нарачале пица во една локална пицерија. Три вооружени и маскирани лица го киднапирале на 16 декември сопственикот на едно големо градежно прептријатие од Ла Специја, Андре Калева, од неговата куќа. Го држеле заробен во еден подрум, а од семејството барале откуп од осум милиони евра, што по совет на полицијата не бил платен.
После обемната истрага, полицијата го скратила бројот на осомничените и започнала да ги следи нивните телефони, кои долго време биле исклучени, а потоа бил регистриран еден повик во локална пицерија. Разнесувачот на пицата ги одвел полицајците право до тројцата киднапери, меѓу кои биле еден локален бизнисмен, кој му бил конкуренција на Андре, и еден Албанец, соопштиле медиумите.
