Калифорниската полиција уапсила еден брачен пар кој киднапирал мајстор како би им извршил поправки во домот. Наместо да повикаат сервис, Џејсон Деџизас и Шанел Тродсон дошле на идеја со закана со оружје да киднапираат мајстор на кој со физичка сила го присилиле да работи. Портпаролот на полицијата рекол дека мајсторот бил нападнат, добивал смртни закани и бил приморан да работи во куќата. Минал седум часа местејќи го мијалникот и поправајќи скршена врата. Извршил уште неколку поправки кај овој брачен пар кој имал куќа со пет соби со терени за одбојка и тенис и базен.
Кога го возеле во друга куќа да изврши уште некои поправки, мајсторот успеал да им побегне на киднаперите и случајот да го пријави во полиција. Обајцата биле уапсени и против нив било подгнато обвинение за киднапирање и насилничко однесување. Полицијата објаснила дека тие го планирале киднапирањето, бидејќи го избрале мајсторот кој два месеци претходно вршел некои поправки во куќата на мајката на Деџизас
