На иницијатива на Секторот за внатрешни работи Охрид и Оделението за превенција, во просториите на Црвениот крст во Охрид, денеска ќе се одржи работен состанок, на кој покрај претставници на СВР Охрид и Езерската полиција, учество ќе земат претставници на Едриличарската федерација на РМ, и спортските клубови кои спортуваат на вода.
Покрај нив, на состанокот се поканети и членови на советодавните групи граѓани од Охрид и Пештани, претставници од Охридската Капетанија, спасителите на вода при Црвениот крст, концесионерите на плажите, повеќе инспекциски служби и др.
Целта на состанокот е договарање превентивни мерки за поголема безбедност на вода и безбедност покрај Охридското крајбрежје како и запознавање со законските регулативи од Законот за прекршоци против Јавниот ред и мир со акцент на штетната бучава што е и во согласност и со одредбите од Законот за заштита на животната средина.
Ohridnews
