Правните и физички лица заинтересирани за добивање на Лиценца за управител за вршење на дејноста на управување со станбена зграда, можат да поднесат соодветно барање до Регулаторната комисија за домување, основана од Собранието на Република Македонија, соопшти Министерството за транспорт и врски.
Согласно условите, пропишани со Законот за домување, Лиценца за управител за вршење на дејностите на управување со станбена зграда, може да добие правно или физичко лице ако ги исполнува следниве услови:
– да е регистриран во Централниот регистар на Република Македонија за вршење на дејности на управување и
– да има најмалку пет вработени лица, од кои двајца со високо образование (дипломиран правник и дипломиран економист) и три лица со најмалку средна стручна подготовка.
OhridNews
