Општина Охрид преку Секторот за ТЛЕР, во рамки на проектот OHRID GO, организира јавна расправа за „Физибилити студија за развој на касарна Охрид во Технолошко – рекреативна зона“.
Расправата ќе се одржи на ден 15.12.2023 година во 12:00ч, во Големата сала на општина Охрид.
Се покануваат сите заинтересирани страни да земат учество на презентацијата на драфт верзијата на Студијата и активно да учествуваат во нејзиното финализирање со свои предлози, сугестии и сл. Драфт финалната верзија на Физибилити студијата може да ја преземете во електронска верзија на следниот линк – информира локалната самоуправа.
Општина Охрид има намера да додели и договор за набавка и поставување на Адреналински парк во Охрид на просторот на касарната со финансиска помош од „IPA II Annual Action Programme for the Republic of North Macedonia for the year 2020 – EU for Municipalities – Подобрување на услугите на локалната самоуправа преку иновативни концепти“, како дел од проектот „OHRID GO“. Тендерското досие е достапно на www.ohrid.gov.mk, во менито Јавни Огласи. – соопшти локалната самоуправа.
Крајниот рок за поднесување на понудите е 10.01.2024, 15:00h.
OhridNews
