Некогашната прва дама на Франција, пејачката и текстописец Карла Бруни ќе оди на турнеја низ САД и Франција како би го промовирала својот последен албум “Little French Songs”. Ова е четврти студиски албум на некогашната манекенка, која музичката кариера ја започнала во 1997 година. Нејзиниот прв албум “Quelqu’un m’a dit” бил објавен во 2002 година, а продаден бил во два милиони примероци.
Таа се омажила за Николас Саркози додека тој бил претседател на Франција. Бруни за периодот од животот кога била прва дама раскажала дека тоа било време кога се случувале интересни работи, кога запознавала интересни луѓе и било пногу поразлично од нормалниот живот. Тој период од животот воопшто не и недостигал. Таа напишала речиси 11 нумери за последниот албум кој го опишала како „фолк музика со малку поп“.
