“ХПВ и можностите за заштита” е темата на едукативното предавање што ќе се одржи во Охрид на 13 ноември. Предавањето е дел од едукативниот караван на Министерството за здравство, во рамки на Кампањата “Постои заштита- Информирај се”, која е наменета за вакцинација на девојчињата и жените против Хуман папилома вирусот (ХПВ).
На предавањето кое ќе започне во 17.30 часот, во просториите на охридскиот Центар за Култура, ќе учествуваат еминентни гинеколози, лекари од службите за вакцинација, преставници од Центрите за јавно здравје, преставници од Невладини организации и јавни личности.
Хуман папилома вирусот (ХПВ), според медицинската статистика е најчестиот причинител на Рак на грлото на матката. Секоја година во Македонија, од овој карцином заболуваат околу 250 жени, од кои над 30 завршуваат со смртни последици.
Е.Е.
