Во Мелбурн на стадионот Етихед весникот „Лидер“ организираше избор на најдобар спортист за 2010 година.
Во јуниорската конкуренција првото место го освои Пеце Наумовски. Втора година во низа нагардата завршува во рацете на Пеце кој се стекна со Златниот медал како и парична награда.
Пеце повеќе од заслужено го освои првото место, во годината што измина освои многу трофеи. Македонскиот карате Кид освои златни медали ма меѓународните карате натпревари во Фиџи и Тахити и затоа без конкуенција се искачи на првото место.
При добивањето на наградата тој рече – “Желба за карате добив уште од мал кога првпат го гледав филмот – карате кид. Посакував еден ден и јас да станам каратист. За да бидам најдобар морам напорно да работам и да тренирам како и да ги употребам сите мои знаенја и брзина на секој натпревар“.
Пеце Наумовски и официјално доби покана од Карате сојузот на Австралија Пеце да ја претставува Австралија на Олимписките игри за јуниори кои ќе се одржат во Лас Вегас, САД од 19-25 април 2011 година.
Ицо Најдовски Перин
