Хрватскиот репрезентативец Игор Карачиќ и џинот Даинис Криштопанс се дел од дрим тимот од првата рунда во 1/4 финалето во Лигата на Шампиони. Дуото Карачиќ и Криштопанс беше нерешлива енигма за Пик Сегед, кој во Скопје претрпе убедлив пораз 31-23 во првиот меч од 1/4 финалето.
Карачиќ и Криштопанс постигнаа идентичен број на голови по осум, а целиот натпревар во двата правци го одиграат во еден здив. Затоа оваа индивидуална награда е повеќе од престиж за ракометарите на Вардар.
Во изборот на најдобрите одбрани место имаше за една одбрана на Дејан Милосављев, додека Вардар нема свој преставник во најдобрите голови.
Идеален тим:
Десно крило: Блаж Јанц (Киелце)
Десен бек: Даинис Криштопнас (Вардар)
Среден бек: Игор Карачиќ (Вардар)
Лев бек: Уладислау Кулеш (Киелце)
Лево крило: Уве Генсхајмер (ПСЖ)
Пивот: Лудовиг Фабрегас (Барселона)
Голман: Роланд Миклер (Веспрем)
OhridNews
