На старот на месец февруари во Охрид се очекува на подготовки да пристигнат неколку фудбалски и ракометни екипи. Рецесијата која не го одмина ниту македонскиот спорт ги натера македонските клубовите да се завртат кон македонските капцитети. Од ЈП “Билјанини Извори“ ги потврдуваат најавите и велат дека се подготвени да им излезат во пресрет на екипите
– ЈП “Билјанини Извори“ заврши со подготовките и спремно ќе ги пречека дел од екипите кои што и оваа година решија својот подготвителен период да го поминат на терените на Билјанини извори. Досега подготовки и контролни средби најавија екипите на ФК МЕТАЛУРГ,ФК РЕНОВА,ФК НАПРЕДОК,како екипата на ФК ТЕТЕКС – вели Илче Каневчев директорот на ЈП “Билјанини ИЗвори“Паралелно со фудбалерите во спортската сала подготовки за претстојната сезона ќе реализираат и ракометарите на Металург ,а во најава се уште две ракометни екипи.
– Интересот е голем, но до колку сакаме Охрид да развива спортски туризам сериозно треба да размисли за поголеми инвестиции во спортска ифраструктура и овозможување на услови за развој на истиот. – истакна Каневчев.
Охрид во моментов располага со три фудбалски игралишта, како ќе се одвиваат подготовките и како терените ќе ги поднесат подготовките се разбира во голема мера ќе зависи и од хидро метеоролошката состојба.
М.Постоловски
