Кандидатите од „Сонце“ на средби со граѓаните од Битола, Ресен и Струга

Во рамки на предизборните активности, кандидатите за пратеници на листата на Коалицијата за Европа „СОНЦЕ“ од 5-тата изборна единица,  во текот на вчерашниот ден остварија повеќе средби и трибини со граѓаните од Битола, Ресен и Струга, како и околните нааселени места. Во директен, отворен и непосреден разговор со граѓаните беа презентирани основните одредби на изброната програма на Коалицијата за Европа „Сонце“ за претстојните вонредни парламентарни избори во Република Македонија. Кандидатите за пратеници од Коалицијата „Сонце“  од 5-тата изборна единица, придружувани од претседателот на СДСМ, Радмила Шеќеринска, заедно со лидерите од другите коалициони партнери, дискутираа со граѓаните за сите отворени прашања и проблеми што беа изнесени од нивна страна, како и за актуелните случувања на политичката, економската и општествената сцена во државата и во нашето непосредно опкружување.

Вчерашните активности завршија со одржување на централниот митиниг на Коалицијата за Европа „Сонце“ во Битола, што се одржа синоќа, на градскиот плоштад „Гоце Делчев“, во присуство на неколку илјади граѓани од Битола и околината. На митингот беа претставени кандидатите за пратеници на листата на Коалицијата за Европа „Сонце“ од 5-тата изборна единица. На присутните граѓани им се обратија г-динот Менде Динески, г-ѓата Весна Бендевска, г-динот Тито Петкоски, претседателот на НА, г-динот Стојан Андов, претседател на ЛП, г-динот Јован Манасиевски, претсдател на ЛДП, г-динот Јани Макрадули, носител на листата за 5-тата изборна единица и г-ѓата Радмила Шеќеринска, претседател на СДСМ.

Во рамките на своите редовни планирани предизборни активности, кандидатите за пратеници на листата на Коалицијата за Европа „СОНЦЕ“ од 5-тата изборна единица, денес, во поладневните часови, ќе ги посетат и ќе остварат повеќе средби со граѓаните од месните организации Подмоље и Кошишта.