Еден од водечките кандидати на наредните претседателски избори во Мексико предизвикал бура од негативни реакции кај јавноста кога открил дека не е во состојба да наведе наслови на три книги кои влијаеле врз него. Запрашан за време на посетата на саемот на книгата кои се негови три омилени дела, Енрике Пења Нието успеал да наведе само едно, и тоа Библијата, притоа признавајќи дела прочитал само некои делови од неа.
Неколку минути потоа, безуспешно се обидувал да се сети на уште некои книги, заглавувајќи кај имињата на авторите, за на крајот да рече дека не може повеќе да се сети на ниту еден наслов. Истражувањата на јавното мислење на Пења Нието му даваат голема предност во однос на другите кандидати на претседателските избори закажани за наредната година. Меѓутоа, критичарите го претставувале како површен политичар чија единствена предност бил неговиот физички изглед. Во некои мексикански весници можело да се прочита дека дупките во познавањето на историјата и книжевноста би можеле негативно да влијаат врз способноста на Пења Нието да ја води државата.
