Пристаништето во Свети Наум каде во изминатите неколку недели се вршеа градежни работи за продлабочување, ќе биде осветлено, информираат од Охридската капетанија. „На пристаништето ќе бидат поставени 4 канделабри, со што тоа ќе може да се користи и ноќе“, ни изјави Љупчо Настоски од Охридската капетанија.
Инаку со градежните зафати кои започнаа во октомври, пристаништето во Св. Наум се продлабочува на 2,5 метри во должина од 94 метри и ширина 10 метри.
Според најавите од охридската капетанија, сличен зафат наредната година ќе биде направен и на градското пристаниште.
Г.М.
