Во рамките на фестивалот “Охридско лето” вечерва од 21 часот во “Света Софија” ќе настапи Камерниот оркестар на музичката младина на Македонија, под диригентската палка на Саша Николовски -Ѓумар. Солист на вечерта ќе биде Кокан Димушевски(на клавијатури). Охридската публика ќе ужива во проектот на Димушевски насовен како “Календар”.
Кокан Димушевски е еден од основачите на познатиот македонски бенд “Леб и сол”. Автор е на самостојни музички проекти, музика за театар, а одржал над 1 000 концерти.
Саша Николовски -Ѓумар кој важи за едно од водечките имиња на македонската музичка сцена настапува на концертните и фестивалските сцени во Македонија и во други европски земји.
Камерниот оркестар при музичката младина на Македонија веќе 22 години е дел од програмата на “Охридско лето”. Го сочинуваат студенти од Македонија и други земји.
Фестиваот вечерва ќе донесе и изожба на карикатури што ќе биде отворена во Центарот за култура “Григор Прличев” со почеток во 20 часот.
А. Р.
