На иницијатива на советникот Петре Петрески-Калимеро, Црвен крст Охрид во периодот од 10.11. – 10.12.2008 г. организира акција за собирање на исправни и употребливи апарати за домаќинство, покуќнина, мебел и слично кои ќе бидат распределени на оние наши сограѓани кои живеат во тешки социо-економски услови и имаат потреба и услови за употребување на истите, соопшти охридскиот Црвен крст.
Сите хумани луѓе кои имаат и сакаат да донираат употребливи покуќнина, апарати за домаќинство, мебел и сл. можат да се јават во Црвен крст Охрид (тел. 046 261-909) за да добијат детални информации и остават потребни податоци.
Екипи на Црвен крст Охрид и иницијаторот на акцијата организирано ќе ги собираат донираните производи и складираат на соодветно место, а во текот на месец декември истите ќе бидат распределени, според список на Центарот за социјална работа, на социјално-најзагрозените семејства од Охрид и Дебарца.
Ohridnews
