Шефот на полската дипломатија Радослав Сикорски снимен е како на лидерите на украинската опозиција им порачува дека ќе „бидат мртви“, јавува „Макфакс“.
На снимката се гледа како Сикорски го напушта состанокот со опозиционерите и им вели „Ако не го прифатите договорот, ќе имате вонредна состојба, војска на улиците, сите ќе бидете мртви“.
Подоцна кога новинарите му поставија прашање како успеал да ја убеди опозицијата да го прифати договорот, Сикорски рече „не знам“.
Лидерите на опозицијата денеска го прифатија договорот со претседателот Виктор Јанукович, кој одлучи да распише предвремени избори.
Парламентот денеска изгласа да биде ослободена и поранешната премиерка Јулија Тимошенко.
OhridNews
извор:„Макфакс“
