Серијата “Breaking Bad”, која го прикажува животот на професор по хемија кој се најде на другата страна на законот триумфираше на вчерашното доделување на Еми наградите и доби признание за најдобра драма, а Ана Ган актерката која ја глуми жената на главниот лик доби награда за најдобра женска споредна улога.
На церемонијата која се одржа вчера во Лос Анџелес за најдобра комедија беше избрана серијата “Modern Family”, а награда за најдобра главна улога доби Џим Парсон кој го глуми Д-р. Шелдон Купер во “The Big Bang Theory”. Како најдобра ТВ емисија беше прогласена “The Colbert Report” на каналот “Comedy Central”.
Меѓу добитници на церемонијата беа “American horror story” која имаше дури 17 номинации, а освои само две награди и хитот на HBO “Game of Thrones” кој од 16 номинации освои само две технички награди. Музичкото шоу “The Voice” беше прогласено за најдобро реалити шоу.
Водител на настанот беше Нил Патрик Харис, ѕвездата на серијата “How i met your mother”.
