Како ни се подготвени патиштата и граничните премини? Дали туристите на влезот во државата добиваат соодветни информации? Каква е патната сигнализација, каква е комуналната хигиена во туристичките места? Дали спомениците на културата се подготвени за посети на туристи, и како е организирана водичката служба? -ќе бидат дел од прашањата на трибината “Како летово да ги пречекаме туристите?”, која што ќе се одржи утре во Скопје, во организација на партијата за Демократската обнова на Македонија – ДОМ.
-Оваа трибина се организира со цел да се отворат клучните прашања за институционалната подготвеност на Република Македонија за пречек на странските и домашните туристи во текот на овогодинешната летна туристичка сезона-се вели во соопштението на ДОМ.
На трибината ќе говорат Лилјана Поповска, претседател на ДОМ, Зоран Стрезовски, директор на Агенцијата за промоција и поддршка на туризмот на РМ, а свои излагања ќе имаат и претставници од Стопанската комора за туризам на Македонија, Македонија пат, Републички от совет за безбедност во сообраќајот, Агенцијата за цивилна и воздушна пловидба, Царината и дел од туристичките работници.
OhridNews
