Режисерот на филмот ‘Suicide Squad’, Давид Ајер на Твитер покажал како ќе изгледа новиот Џокер, кој го глуми познатиот актер Џеред Лето. На фотографијата се гледа дека актерот поради новата улога целосно се трансформирал и дека воопшто не наликува на себе. Има зелена коса, сребрени навлаки преку забите, избричени веѓи и целиот е истетовиран.
Сепак, бил воодушевен кога ја добил улогата. Рекол дека можноста да глуми таков, речиси шекспировски лик, таа прекрасна катастрофа од лик, му е огромен предизвик. Со оглед дека Џокерот со импресивни резултати веќе го утеловиле Џек Николсон и Хет Леџер, Џеред навистина има голема одговорност врз себе.
