Одделението за праисторија од Охридскиот Завод и Музеј деновиве отпочна со истражувачки работи на просторот над црквата Свети Еразмо на северниот влез од градот, на кој според претпоставкитете на археологот Паско Кузман се наоѓа престолнината на старомакедонското племе Енгелани.
Станува збор за мошне значен локалитет кој прв пат бил истражуван од германски археолози во 1931 година. Се претпоставува дека тврдините ги изградил големиот македонски воин Филип Втори при своето прво доаѓање во охридската крајезерска област-Лихнитида,во 4 век п.н.е. Според претпоставките тврдината била изградена од огромни мегалитни камени блокови долги до 2 м. широки до 90 цм. и затоа називот на таа тврдина бил Киклопски тврдини нешто како во Микена и други позначајни тврдини од тие времиња на балканските простори.
Се откопува древниот град Енгелана
Проектот наречен Енгелана предвидува итражувачките работи да се одвиваат во три фази од по пет години, од кои само првата, подготвителна фаза чини 60 милиони денари. Предвидена е и изградба на жичара или специјални скали преку кои посетителите ќе можат да стигнат до локалитетот, кој според археолозите ќе биде голема туристичка атракција. Истражувањата на Киклопските ѕидини финансиски ги подржа и Советот на град Охрид.
Г. Момироски
