Охриѓани и нивните гости овој викенд ќе може да уживаат во неколку живи свирки и диџеј забави во охридските ноќни клубови.
Викенд забавата стартува вечерва во „Kadmo Beach & club“ со свирка во живо на Драган Џони Темелковски – Johnny LIVE.
Љубителите на добрата диско забава вечерва ќе може да бидат дел од забавата во „Cuba Libre Havana Club“ за која ќе биде задолжен австралискиот диџеј Nick van Wilder. Овој познат диџеј има настапувано заедно со Крис Браун, Кели Роланд, Роџер Санчез, Ајс Кјуб, Салт не пепер, Бекстрит бојс и многу други. Неговото шоу започнува во 23.30 часот.
На плажата „Bella Vista“ вечерва 21:30 часот ќе стартува забавата на DJ Jeddy. Неговиот настап ќе биде надополнет со перкусионистички сет на музичарот Никола Тони.
Во недела на 28-ми јуни љубителите на дневните свирки ќе можат да бидат дел од целодневното гитарско шоу на плажата „Bella Vista“.
Љубителите пак на латино музиката утревечер ќе може да се забавуваат на плажата „Cuba Libre“ со кубанскиот бенд „Cubalcanica“. Забавата започнува во 22 часот.
За деталите за овие и другите забави во Охрид овој викенд, како и за забавните настани кои се случуваат секојдневно, може да се информирате во рубриката „ШТО, КОГА, КАДЕ“ на најчитаниот интернет портал во регионот OhridNews.
OhridNews
