Најблиску до финале беше Владимир Стојановски (66 кг), кој победи две борби во низа. Во 1/2 финалето претрпе пораз од Албанецот, Фаркаш Бертала, а без медал остана откако загуби од црногорскиот џудист, Предраг Николајевиќ.
Во борбата за бронзен медал порази доживеаја Никола Велески (60кг)од Денис Ѓураки и Александар Атанасоски (55 кг) од Вукличевиќ Милош.
– Морам да бидам задоволен од настапот на моите избраници. Во натпреварите за бронзениот медал и среќата ни го сврте грбот. По воведувањето на новите правила за настап конкуренцијата е поголема затоа и масовноста беше толку голема на Балканското првенство во Охрид – рече селекторот на јуниорите, Александар Ѓоргиоски.
Со натпреварите во јуниорската категорија Балканското првенство “Охрид 2013“ заврши, а македонската џудо селекција освои еден бронзен медал.
