Македонската ракометна репрезентација, во четврток, ќе го започне своето учество на Европското првенство за ракометари до 20 години, чии домаќин до 3.август ќе биде Австрија.
Македонската репрезентација во првата фаза од турнирот ќе се натпреварува во А групата, а конкуренти ќе и бидат националните тимови на Шпанија, Франција и Норвешка.
Во првото коло избраниците на селекторот Пектовски за противник ќе ја имаат селекцијата на Шпанија, репрезентација која ја брани титулата, мечот ќе се одигра во Траун, а ќе започне во 14 часот.
Противник на македонските јуниори во второто коло,к во петок ќе биде Франција (14 часот), додека во третото коло Македонија ќе игра против Норвешка (сабота, 18 часот).
Прво и второ пласираната селекција ќе изборат пласман во четвртфиналната група, додека останатите ќе разигруваат за пласман.
„Макфакс“
