На десетти август во водите на Охридското Езеро се одржа традиционалната „Меѓународна Илинденска веслачка регата“ во организација на Веслачки клуб „Југ“ Охрид.
На регатата учествуваа клубови од земјата и странство и тоа : В.К. „Тракија“ Пловдив, В.К. „ЦСКА“ Софија, В.К. „Черпоков“ Пловдив – Република Бугарија, В.К. „Црн Дрим“ Струга и домакинот В.К. „ЈУГ“ Охрид. Се веслаја единаесет трки во пионерска, кадетска и јуниорска категорија во дисциплните скиф и дубалскул.
Освојувачи на првите места односно златните медаљи беа:
– В.К. „Југ“ Охрид освои шест златни медаљи.
– В.К. „Черпоков“ Пловдив освои две златни медаљи.
– В.К. „ЦСКА“ Софија освои две златни медаљи.
– В.К. „Тракија“ Пловдив освои една златна медаља.
Златните медаљи за Веслачкиот клуб „Југ“ Охрид ги освоија следните веслачи во следните дисциплини: Анастазија Паскали во дисциплините скиф за кадетки и скиф за јуниорки. Никола Петрески и Михаил Тасевски во дисциплината дубалскул за јуниори. Петар Павлоски во дисциплината скиф за кадети. Петар Павлоски и Ристо Малезан Радиќески во дисциплината дубалскул за кадети. Климент Трајчески и Никола Аџиоски во дисциплината дубалскул за пионери.
Ohridnews
