Селекторот Мирсад Јонуз не успеа да го направи потребниот чекор со репрезентацијата и да го избегне четвртото место во групата. Лошиот старт на натпреварот ги одведе норвежаните во недостижно водстово кое само успеавме да го ублажиме.
– “Многу рано примивме гол и тоа го наруши нашиот план и нашите очекувања. За да биде нашата несреќа уште поголема примивме и втор евтин гол. Тоа се катастрофални грешки кои беа пресудни на оваа средба и грешки благодарение на кои Норвешка дојде до посакуваната победа- вели Јонуз.
Тој е задоволен од пристапот на фудбалерите во вториот дел од средбата и од самиот финиш.
– По долга пауза видовме едно добро второ полувреме. Во претходните средби секогаш игравме подобро во првите 45 минути, а сега имавме поинаква слика. Иако имавме лоша негатива од 2:1 имавме резултатско враќање со голот на Грнчаров во 79. минута. Имавме доволно време, но и шанси да се избориме за бод, но немавме доволно среќа-, беше завршниот коментар околу натпреварот на Мирсад Јонуз.
ohridnews
