Селекторот на македонската фудбалска репрезентација Мирсад Јонуз ги одреди 11- та кои утре ќе истрачаат на стадионот во Гуангжу против Кина.
Македонија : Богатинов, Тодоровски, Лазевски, Глигоров, Мојсов, Таневски, Фетаи, Демири, Кировски, Алими и Маневски.
Селекторот Јонуз смета дека македонските репрезентативци се во добра форма и ќе се прикажат во добро издание во овај пријателски тест меч. – Од натпреварот со Естонија можевме да забележиме дека селекцијата на Кина располага со брзи и подготвени играчи, кои исто така се и технички подготвени. Играат на домашен терен пред својата публика но тоа не значи дека имаат предност. Нашите фудбалери се адаптираа на кинеско време и се добро мотивирани да докажат дека можат да се носат со силни репрезентации како оваа на Кина. Температурата од околу 20-22 степени е идеална за добра фудбалска претстава на која верувам ќе видиме и голови. Ова е само тест натпревар за обете репрезентации и ќе биде без дополнителен психолошки притисок. Во нашиот тим очекувам сериозен настап од сите репрезентативци како да се работи за квалификациски дуел – вели Јонуз.
За дуелот со Кина, капитенската лента се очекува да ја понесе крилниот офанзивец Александар Лазевски, тој на пресконференцијата рече: – Немаме претходно искуство кога е во прашање настап во Кина, но од она што можевме да го видиме очигледно е дека се работи за солидна селекција која игра добар и организиран фудбал. Денеска нема слаби репрезентации. По скромниот настап на претходното гостување време е да ја оствариме првата победа на кинеска територија. Се надеваме на фер-плеј игра и фер судење што ќе ни овозможи на двете селекции да се прикажеме во најдобро издание.
Натпреварот се игра во 12.30ч. по македонско време на олимпискиот стадион во Гуангжу.
М.П.
