Стоте садници јапонски цреши, подарок од фондацијата на филозофот Даисеку Икеда, кому во 2007 година Охридската академија на хуманизмот во Токио му ја додели светската награда за хуманизам, наскоро ќе пристигнат во Охрид, дознава „Ohridnews“.
Во тек е царинската процедура, а црешите ќе пристигнат од Бугарија каде минале неколку месеци во адаптација. Садниците како што не информираа од локалната самоуправа, веќе достигнале височина од 1 – 1,5 метри, а по пристигнувањето во Охрид ќе минат уште неколку месеци во адаптација на климата и почвата. Се очекува тие да бидат засадени на почетокот од идната пролет.
Јапонските цреши во земјата на изгрејсонцето се на рамниште на национален симбол, а Охрид ќе биде еден од ретките градови во Европа кој ќе може да се пофали со авении украсени со ова прекрасно дрво.
Донацијата е вредна околу 20 илјади евра.
Ohridnews
