Јапонската авионска компанија „All Nippon Airways“ ги повикува патниците да го посетат тоалетот, пред да се качат на авионот како начин да се намали испуштањето на јаглерод во атмосферата. Така би се намалила тежината на авионот и количината на користено гориво – велат од компанијата.
На 1 октомври стартуваше експериментот на 42 линии, кој ќе трае еден месец. За тоа време, компанијата се надева да го намали испуштањето на јаглен за околу 5 тони.
„All Nippon Airways“ е подготвена да продолжи со експериментот и да го прошири на повеќе линии, ако резултатите се позитивни и патниците се однесуваат со разбирање за еколошката иницијатива на превозникот.
Фидан Коминовски
