Охриѓанецот Д.У. (1966) завчеравечер во бутикот „Ричи“ во Охрид, поради нарушени односи ја потурил со солна киселина својата сопруга П.У.(1970), информираше денеска МВР. Од солната киселина, таа не се здобила со потешки повреди бидејќи колешките веднаш ја полиле со вода. Таа има црвенило на лицето, а оштетена и е косата и облеката што ја носела, се наведува во полициското соопштение. На повредената и била укажана лекарска помош во Медицинскиот центар во Охрид. Увид на местото на настанот извршила екипа од СВР-Охрид, при што било пронајдено едно шише солна киселина кое било подигнато за вештачење. Д.У. е приведен во СВР-Охрид и со кривична пријава ќе биде предаден на истражен судија, информираше полицијата.
извор: МВР
