Еден јапонец на аукција ја понудил Земјата. Она што е уште почудно, собрал 2772 понуди со моментална цена од преку 123 милиони долари. Аукцијата започнала со почетна цена од 0,86 долари која од час во час растела. Се претпоставува дека победникот нема навистина да плати стотици милиони долари.
Она што е посебно интересно и описот со „понудениот производ“, во кој јапонецот напишал дека Бог му ја дал планетата па тој сега ја нуди на аукција. тој побарал од потенцијалните купувачи да му достават писмо во кое ќе ги објаснат своите намери за купувањето како би знаел дали станува збор за сериозни купувачи. Ништо помалку интересни се и прашањата на „купувачите“. Еден го запрашал дали во понудата има копче кое би можело да го врати во минатото, додека друг го запрашал дали по купувањето ќе стане Бог.
