Извлечени се групите за мастерс турнир во Лондон со кој ќе заврши сезоната во светскиот тенис. На последниот турнир учествуваат најдобрите осум тенисери според АТП листата.
Оваа година финалниот турнир ќе биде осиромашен, бидејќи Рафа Надал се повлече поради повреда. Неговото место го зазеде деветтиот носител на АТП листата, а Рожер Федерер заедно со Новак Ѓоковиќ беа носители во ждрепката.
Водечкиот тенисер на АТП листата, Ѓоковиќ доби релативни потешки противници од Федерер. Србинот во фазата по групи силите ќе ги одмери со Александар Ѕверев, Марин Чилиќ и Џон Изнер, додека швајцарскиот тенисер ќе се сретне со Кевин Андерсон, Доминик Тим и Кеи Нишикори.
Завршниот турнир почнува в недела.
Групите:
Новак Ѓоковиќ, Александар Ѕверев, Марин Чилиќ, Џон Изнер
Рожер Федерер, Кевин Андерсон, Доминик Тим, Кеи Нишикори
OhridNews
