Амбасадорот на Израел во Република Македонија Дан Ориан вчера имаше средба со раководителот на Секторот за Туризам и Локален економски развој Ѓоко Апостолов.
На средбата станало збор за гостување на познат театар од Израел на годинашното издание на фестивалот „Охридско лето“ и за можностите за продлабочување на меѓусебната соработка. Деталите ќе бидат прецизирани на средбата со градоначалникот Никола Бакрачески која ќе се одржи во четврток во рамките на саемот за туризам „Скопје травел маркет“.
Амбасадорот Дан Ориан, кој во Охрид престојувал заедно со претставници на најголемата израелска компанија од областа на земјоделството, изјави дека на средбата во Скопје ќе упати директна покана до градоначалникот Никола Бакрачески за негово учество на Форумот на градоначалниците од главните градови на многу земји од светот, што ќе се одржи во месец октомври во Ерусалим.
OhridNews
