Ј.П.”Охридски Комуналец” изминатиов месец изготвил околу 350 тужби за неплаќање на комунални услуги. Околу 300 тужби се наменети за физички лица, а над 50 тужби за правни лица. Со реализирање на тужбите долгот што ќе траба да го измират неплаќачите, ќе стане три пати поголем. Ова се должи на фактот што , покрај главниот долг неплаќачите ќе мора да ја платат и каматата на вкупниот долг како и судските трошоци.
Од крајот на септември Ј.П.”Охридски Комуналец” спроведе акција, која нуди олеснителна можност на граѓаните, заостанатиот долг да го платат без камата. Имено, до 30 ноември сите правни и физички лица кои имаат неизмирени парични обврски за комунални услуги, ќе можат да склучат Договор за измирување на долгот. Со оваа акција покрај тоа што ќе бидат ослободени од обврската да ја платат законската затезна камата, тие ќе може да го исплатуваат долгот на рати.
Е.Е.
